2011 թվականից ուղղակիորեն կազմակերպելով, կառավարելով տարբեր սրահների գործունեությունը, ինչպես նաև անուղղակիորեն նպաստելով տարբեր կենտրոնների կառավարմանը, մասնագիտական խորհրդատվությունների տրամադրմամբ ու գործնական պարապմունքների կազմակերպմամբ, կարողացել ենք կուտակել տարիների փորձ վարսահարդարման, դիմահարդարման, մատնահարդրման և մի շարք այլ այս ոլորտի ծառայությունների մատուցման բնագավառում:

Բազմաթիվ հաճախորդների գոհունակության, ազնիվ ու անբասիր աշխատանքի շնորհիվ 2017 թվականից նախաձեռնեցինք (2011 թվականից վարսահարդարման ծառայություններ մատուցող) սրահի ձեռքբերման նոր գործարքի կնքումն ու նոտարական վավերացումը:

Ի վերջո, 2018 թվականին «ԹՕՓ 1 Հոլդինգի» շրջանակներում հիմնադրենցինք «ԹՕՓ 1» հապավմամբ (հայտնի ապրանքանիշով) հանդես եկող Գեղեցկության սրահը:

Այն մեծ հարգանք է վայելում հաճախորդների՝ ավագ և երիտասարդ սերունդների ներկայացուցիչների շրջանում: Մի վայր, որտեղ ձևավորված է ընտանեկան մթնոլորտ և հաճելի միջավայր, մասնագիտական բարձր կարողությունների ու մարդկային հատկանիշների հիման վրա, վարսահարդարման տարատեսակ ծառայություններից լիարժեք օգտվելու ու բավականություն ստանալու համար:

Դա մի հարթակ է, որտեղ ծավալվում են քննարկումներ, կազմակերպվում են դասընթացներ ու իրականացվում են սեմինարներ նորաձևության և հարդարման նրբությունների ու գաղտնիքների բացահայտման վերաբերյալ:
Ընդլայնելով գործունեության սահմանները, ներկայում մասնագիտական փոձառությամբ կիսվում ենք ու համագործակցում ենք գերմանական, ֆրանսիական, իտալական, ռուսական և մի շարք այլ երկրների առաջատար

կազմակերպությունների հետ՝ գնելով մազերի ներկեր, գունավորման ու գունաբացման էկոլոգիապես մաքուր նյութեր, հարդարման, շպարի ու դիմահարդարման բացառապես անվտանգ պարագաներ: